San Pelaiok umeei dedikatuko dizkie auzoko jaiak

San Pelaio auzoak barta iluntzean eman zien hasiera bere jaiei. Aurtengo edizioan programa umeei dedikatuko zaie bereziki. Egitarauaren nobedaderik behinena –data aldaketaz gain- hiru gauetan jarraian herriko talde batek dantzaldia girotuko duela, gure nagusiak omentzeko jardunaldi bat prestatze eta marrazki lehiaketa dira. Gainera, ostegunerako kaperaren aurrean zaldikoak eta etxolak jarriko direla iragarri da.

Egitaraua bart arratsaldean ireki zen, haurrentzako integrazio jolasekin. Gaurkoan jolas gehiago izango dira, hemendik ostegunera bitartean osagairik garrantzitsuena baitira. Ostegunean jolasez gain, marrazki lehiaketa ere izango da. Ostiralean, berriz, umeei opariak banatuko zaizkie eta gauez lehenengo dantzaldia izango da. Larunbatean bolo txapelketa eta bigarren dantzaldia egingo. Igandea, gure nagusiak omentzeko eguna izango da eta, egitarauari amaiera emango zaio, azken berbenarekin.

Jarduera guztiak auzoko jai-batzordeak antolatu ditu, inguruko denda, taberna eta udal honen beraren laguntza ekonomikoari esker. Batzordeak egitaraua liburuxka batean argitaratu du eta bertan laguntzaileen iragarkiak jasotzen dira. Programak, establezimendu laguntzaileetan bertan daude.

Programa

• Hilak 3, 19:30etan: Haurrentzako integrazio jolasak.
• Hilak 4, 19:30etan: Haurrentzako jolasak.
• Hilak 5, 19:30etan: Argazki dibertigarriak eta haurrentzako jolasak.
• Hilak 6, 19:30etan: Marrazki lehiaketa eta haurrentzako jolasak.
• Hilak 7
  • 19:30etan: Oparien banaketa eta jolasak.
  • 23:00etan: dantzaldia Tucán orkestrarekin.
• Hilak 8
  • 18:00etan: Bolo txapelketa (antolatzailea Peña Bolística Montañesa)
  • 23:00etan: dantzaldia ‘Tucán’ orkestrarekin.
• Hilak 9
  • 18:00etan: Omenaldia hirugarren adinari
  • 23:00etan: dantzaldia ‘Tucán’ orkestrarekin.