Udalbatzak hasiera emango dio gaur ikasturte politiko berriari

Ermuko Udalbatzak hasiera emango dio gaur ikasturte politiko berriari, udako oporren ondoren. Udalbatza eratzen duten alderdiek deituta daude gaur arratsaldeko seitan bilduko den Gai Orokorren eta Udalbatzak aztertu beharrekoen Informazio Batzordera. Organoak gai-zerrendan jasotakoaren arabera gaur hiru gai aztertuko ditu: azken bilerako akta onartzea; batzorde informatiboetako bilkurak egiteko egun eta ordua aldatzearen inguruko erabaki-proposamena eta, azkenik, Izarran eraikiko den hirugarren sektoreko eraikinari buruzko informazioa.