Udalbatzarrak Osoko Bilkura egingo du

Udalbatzarra Osoko Bilkurara bilduko da arratsaldean. Bilerak ohiko izaera izango du eta arratsaldeko 6etarako deituta dago lehen deialdian. Eguneko gai-zerrenda lau puntuk osatzen dute. Lehenengoan, uztaileko hiru bileretako aktak onartuko dira. Bigarrenean, Eskolabarri ikastetxeak udalaren lokal batzuk –Santa Anan daudenak- erabiltzeko eskaeraren inguruko erabakia hartuko da. Hirugarrena, hirigintza alorrekoa da. Horretan, 20. exekuzio-unitatea, Izarra-2 deritzana, mugatzen duen Hiri-antolamendurako Udal Plan Orokorraren barruko 13. aldaketa behin-betikotasunez onartzeari buruzko erabakia hartuko da. Erabaki horren bidez, sektoreak egun duen industri erabileratik hirugarren sektorerako erabilerara aldatuko da. Laugarren eta azken puntua, eskari galderak izango dira, baldin badaude.

Gai-zerrenda eskaintzeko, iragarki-oholari lotura egin diogu eta, horretara ailegatzeko, sakatu azpiko informazio gehiago izeneko atalaren gainean.