Liburuak ere gartzelara joaten dira

Ermuko udal liburutegiak 245 alez osatutako sorta liburua igorri dio Langraiz Okako kartzelari. Emariak bi helburu nagusi ditu, batetik kartzelako liburutegia osatzen laguntzea eta, bestetik, presondegian dauden pertsonek aukera gehiago izan ditzatela kultura eta prestakuntza alorrei dagokionez.

Lankidetzaren bidetik

Bidalketa hori lankidetzaren emaitza da, horrela erabaki baitzuten, bertako udal liburutegiak, zentrokoak eta gureak iazko urtean. Gure lankideek Langraiz Okako zentroan egon ziren bertako instalazioak ikusten eta, ahal zuten neurrian, liburutegia osatzen laguntzeko konpromisoa hartu zuten.

Liburu sorta horretan gaztelaniazko eleberriak bidali dira batez ere, liburu tematikoekin batera. Horiek guztiak, argitaratu berriak eta primeran dauden aleak dira. Horiei bizkarrean hainbat piktograma erantsi zaizkie, irakurleari barruko edukiaren inguruko informazioa emateko xedez (lantzen duen gaia zein den: abenturazkoak, erromantikoak, poliziakoak, bidaietakoak, eta abar…). Horietako ale gehienak ermuarrak liburutegiari eman edo utzitakoak izan dira, zerbitzuak antolatzen dituen kanpainei erantzunez. Hori horrela, udal liburutegiak bere esker ona agertu nahi die irakurritako liburuak eman dituzten herritar guztiei.