Udal zerbitzuek ordutegiak egokitu dituzte zubirako

Hainbat udal zerbitzuk herritarrei harrera egiteko dituzten ordutegiak egokitu egingo dituztela iragarri dute, datozen egunetako jai egun eta zubira egokitzeko. Aldaketa horiek datozen egunei eragingo diete, bi jaiegun ate joka baititugu. Udal liburutegiak, kasurako, zerbitzuan hainbat aldaketa egingo ditu, erabiltzaileok kontutan hartu beharko ditugunak. Esaterako, bihartik igandera bitartean egunero zabalik egongo da, baina ordutegi zatitua izango du. Goizez 10etatik ordu 2etara bitartean eta arratsaldez, 4etatik 8etara bitartean.

Lobiano Kultur Gunea, Gazteria informatzeko zerbitzua eta Emakumeen Toagunean, bestalde, ez dute aterik zabalduko. Azkenik, kiroldegia eta Betiondo kudeatzek dituen UKEk ere, hainbat egokitzapen egingo d itu. Aldaketok ondokoak dira: kiroldegia goizez zabalik izango da 9etatik ordu 1etara bihar, larunbatean eta igandean. Arratsaldean berriz, itxita izango da. Ostirala ohiko egunetan bezala etenik gabe zabalik izango da goizeko 8etatik gaueko 10ak bitartean. Betiondo aldiz, goizez 8:30etatik ordu 2etara zabalduko da bihar, larunbata eta igandean. Ostiralean ordutegi zatitua izango du, goizeko eta arratsaldekoa. Ordutegi hori goizez 10:30etatik ordu 1etara eta, arratsaldez, lauetatik gaueko bederatzi eta erdietara izango da.