Giro ona eta partaidetza handia -Eguen Zuri- egunean eta oilarraren jokoan

Girotsua eta alaia suertatu zen atzoko ‘Eguen Zuri’ eguna Ermuan. Orbe Kardinalaren plaza herritarrez eta ikaslez bete zen, batzuk ikuskizuna jarraitzeko eta besteek hartan parte hartzeko. Eguraldia lagun izan genuen eta, arratsalde hotza izan arren, ateri egon baitzen. Oilarraren jokoa ordu bete pasatxo iraun zuen, parte hartzaileei ez zitzaielako askorik kostatu saskira arte ailegatzea. Oilarra ukitu zuen jokatzea atera zen lehen ikaslea, eta ukitu ere ziztu bizian.Bigarren irabazlea, berrogeita bost minutu beranduagora arte ez zen iritsi kaxara. Hirugarren eta azkenak ere, bere bidea laster bete zuen, plaza zuzen zuzenean zeharkatuz. Irabazleek sari moduan zeramikako oilar eta eskola materiala erosteko 30 euroko bale bana eskuratu zuten.

Saritutakoen zerrenda

• Iñigo Vivar, 7 urtekoa eta Ongarai Eskolako ikaslea.
• Erika San Mames, 7 urtekoa eta Eskolabarri ikastetxeko ikaslea.
• Jon Gandiaga, 8 urtekoa eta Anaitasuna Ikastolako ikaslea.

Gaurko ostiral mehe honetan, Ermuan ‘Hartza Eguna’ ospatuko dugu. Euskal Birusa taldeak berreskuratu zuen ekimen honetan, betiko legez, Guillermo Bengoetxea ‘Txindurri’ren kopla eta bertsoak kantatuko dira. Kalejira arratsaldeko seietan hasiko da plazan. Ekimenaren antolaketan herriko ikastetxeek eta euskaltegiek parte hartzen dute, Alboka musika eskolarekin batera.