Hirugarren sektorearentzako eraikina altxatzeko lehen lanak aurrera doaz

Urtiako eta Izarra ondoko lur-zatian hirugarren sektoreko eta enpresa hazitegiko eraikina altxatzeko lehenengo lanak aurrera doaz. ‘Construcciones Antzibar’ enpresak jada lur-zatia mugatu eta markatu du, sasiz garbitu du eta hondeatze-lanen aurreko probak ere egin ditu. Laster lurrak izan dezakeen kutsadura ezabatzeko zereginari ekingo zaio eta horren ondoren, hondeatze lanak hasiko dira. Segidan, eraikinaren egitura altxatzeari ekingo zaio zero kotara arte.