Ermuan Partidu Sozialista izan da boto gehien bildu duena M-9 honetan

Partidu Sozialistak gaurko Gorte Nagusietarako hauteskundeetan botorik gehienak lortu ditu gure herrian. Rodriguez Zapateroren alderdiak guztira 4.941 bozka lortu ditu, hautesle-erroldak Ermuan izan duen 13.441 hautesle posibleetatik. Bigarren alderdi botatuena Partidu Popularra izan da, zeinak 2.544 bozka (% 26,41) lortu dituen.

Boto kopuruaren araberako zerrenda horretan, hirugarren tokia EAJ-PNVri egokitu zaio 1.051 botorekin. Azkenik, lehen sailkapenean honetan EB-Berdeak izan da laugarren 1.051 txartelekin. Kongresurako emaitzen datu zehatzak ondorengo taula grafikoan eskaintzen ditugu:

2008ko Gorte Nagusietarako Hauteskundeen behin-behineko emaitzak

Ikonoa	Talde politikoa	2008ko botoak	botoak (%)	2004ko botoak
	PSE-EE PSOE	4.941	51,29 %	4.153
	PP	2.544	26,41 %	3.227
	EAJ-PNV	1.051	10,91 %	1.494
	IU-EB	559	5,80 %	1.018
	OTROS	144	1,49 %	44

Ermuan hautesleen %72,09 bozkatu du gaurkoan, parte-hartzea duela lau urterekin alderatuta, sei puntu jaitsi delarik. Emaitzak behin-behinekoak dira, Durangoko Hauteskunde Batzordeak jardunaldiko agiriak aztertu eta ontzat eman artean. Une horretan, behin-betikotzat joko ditu organo horrek.