Herriko merkatariek paper garrantzitsua jokatuko Gastronomi Jardunaldietan

Herriko merkatariek paper garrantzitsua jokatuko dute aurtengo Gastronomi Jardunaldietan. Jardunaldiok datorren astean -ekainaren16tik 22ra bitartean- ospatuko dira. Herrian ditugun elkarte biek, merkatari eta ostalarien orokorrak eta udal merkatukoak, parte hartu eta produktuak eskainiko dituzte datorren asteko larunbateko azokan eta, horrez gain, 4 pertsonentzako afariak zozketatuko dituzte.

Ermuko Merkatari eta Ostalarien elkarteak eta Udal Merkatukoak sinergiak batzea erabaki dute eta urte osoan zehar jarduera bateratuak programatzea, herriko merkataritza indarrez eta dinamismoz janzteko.

Merkatariek dastatzeak eskainiko azokan eta afariak zozketatuko dituzte

Jardueretako bat datorren ekainaren 21eko larunbaterako iragarrita dagoen azoka izango da. Egun horetan plazan etxola bat izango dute jarrita eta bertan hainbat produktu eskainiko dituzte jendeak dastatzeko, besteak beste; marmitakoa, zaldi-gisatua, eta frutak, esaterako.

Bestalde, elkarteko dendarik gehienak 2 sari goxo-goxo zozketatuko dituzte bezeroen artean. Denda horiek txartel batzuk banatzen ari dira erosleen artean, eta horien bidez bi bikoterendako lau afari zozketatuko dituzte. Sarituta suertatzen den bikotea Erreta elkartean datorren ostegunean egingo den dastatze afarira joan ahal izango da. Bigarren bikotea, berriz, elkarteko bazkide den Mendiola jatetxean afaldu ahal izango du. Zozketa ekainaren 13an egingo da eta egun horretan irabazleen zenbakiak ezagutaraziko.