Udaleku irekiek egitarauaren erdia bete dute

Udaleku irekiek egitarauaren erdia betea dute. Pasa den astean hasitako udalekuek egitarauarekin aurrera darraie eta aurten progaramatutako ekintzen erdia eginda daude, dagoeneko. Pasa den astean, lehen hezkuntzako seigarren mailakoak eta DBHko lehen eta bigarren mailakoak Frias aldera abiatu ziren, bertan bost egun pasatzeko eta abenturazko jarduerak egiteko, hala nola, espeleologia, tirolina, kayak eta abarrak. Ertainak eta txikiak, berriz, Ermuan eman dituzte egun horiek eta egun bat kenduta, eguraldia lagun izan dutela esan daiteke, egun hauetan hondartzara eta mendira joateaz gain, hainbat jolas eta joko berri egin dituzte.

Gaur Udalekuetako azken asteari ekingo diote. Ertainek Aixolako instalakuntzak ikusiko dituzte eta bihar Nafarroako Astiz herrira joango dira egun batzuk pasatzera. Txikienek, aldiz, gaurko eguna Ermuan egingo badute ere, bihar Mungiako Izenaduna basoko parke mitologikoa ikusiko dute eta hurrengo egunetan Gamarra eta Aia eta Oriora joango dira. Ostiralean, udalekuak amaituko dira eta azken jaialdi handia izango da Ermuan.