Bederatzi ibilgailu gutxienez kaltetuta suertatu dira eztandaren ondorioz

Hirugarren sektorerako eta enpresa hazitegiko eraikina altxatzen ari diren obra bederatzi pertsona joan dira beren ibilgailuak kalteak jasan dituela adieraztera. Obran “Artibai Eraikuntza’ enpresako langileek kaltetuen datuak eta beraien aseguru-etxeenak bildu dituzte, beren konpainiari emateko xedez. Nolanahi ere, Promosa udal sozietateak bere gerentearen bidez iragarri du, kaltetuei atenditu ahal izateko zerbitzu zuzena emango dutela Ekonomi Sustapen, Enplegu eta Trebakuntza alorreko egoitzan, hau da Bizkai Etorbidean Torreta Etxea eraikinean duten egoitzan. Istripu hoen inguruan edozer jakinarazteko edo izapideren bat egiteko beharra duten pertsonek Ekonomi Sustapen, Enplegu eta Trebakuntza alorraren egoitzatik pasa daitezke, goizeko 8etatik arratsaldeko 3etara bitartean.

Leherketa proiektuaren ezaugarriak

Leherketa proiektua lur azpiko ezaugarrietara egokitu da. Artibaiko teknikarien esanetan, lur horretan kareharri estratifikatua dago, 20 zentimetrotik 50erako lodiera duena. Harria hori bertikalki dago eta elkarren artean buztina du”. Horregatik Goma2 lehergailua erabiltzea erabaki dute. Erabilitako Karnak 9 kilotik 24ra bitartekoak izan dira eta barrenoak 6 metrotik 12ra bitartean sartu dira. Leherketak materiala kanporantz –Bi-3302 errepiderantz- proiektatu du erdiko eta amaierako zonaldean, soplatua deritzan fenomenoa eraginez”. Raul Husikllos tek ikariak horrela azaldu digu obran bertan gaur arratsaldean. Nolanahi ere, oraindik itxaron egin behar martxan jarritako ikerketak eta eskatu diren txostenak etorri bitartean.