Atentatuen gaitzespena eta manifestatzeko deia

Ermuko Bozemaleen Batzordea gaur goizean bilduko da, ETAk azken 24 orduetan eginiko hiru atentatuak baloratu eta gaitzesteko, gaur goizaldean Santoñan eginiko azkenekoan Luis Conde brigada erail baitu. Organoak hiru ekintza horiek gaitzetsiko ditu, horietan izan diren biktimekin eta atentatuon herriekin elkartzen dela adieraziko.

Bozemaleen Batzordeak gaur arratsalderako manifestazio deitzeko proposamena ere hizpide izango du. Udalbatzak, jada, bat egin du bai EUDELek bai ‘Gesto por la Paz’ elkarteak gaurko deitu dituzten kontzentrazio isilekin. Hori horrela, Udalbatza udaletxe aurrera aterako da gaur eguerdian, biolentzia ezertarako bidea ez dela adierazteko. Horrez gain, ‘Gesto por la Paz’ kolektiboak arratsaldeko zazpietarako deitu duen kontzentrazio isilarekin bat eta ados agertu da.