Zine-klubak azaroko zikloarekin bukatuko du gaur

Mudo-Drogot Zinematografo elkarteak azaroko emanaldiei amaiera emango die gaur. Azken asteetako emanaldiak zine kanadarrari dedikaturik izan dira. Gaur “La gran seducción” proiektatuko da. Emanaldia, Lobiano Kultur gunean, gaueko bederatzi eta erdietatik aurrera egingo da. Filma Kanadiarra da, eta Jean-François Pouliotek zuzendu du. Zinta komediaren generoan txertatzen da, nahiz eta dramaren ukituak ere badituen Aktoreetariko batzuk, besteak beste, ondorengoak dira: Raymond Bouchard, David Boutin, Benoît Brière, Pierre Colin, Lucie Laurier eta Clemence Desrochers. Emanaldia librea da eta ez da sarrerarik kobratzen.

Sinopsia

Kostaldean dagoen eta Sainte-Marie-La-Mauderne izena duen herrixkako bizilagunek gobernuaren diru-laguntzetatik bizitzera behartuta daude. Betidanik, arrantzaleak izan dira eta harro bizi izan dute. Aldiz, orain arrantzarik ez dagoenez diru-laguntzen bidez biziraun behar dute. Denbora aurrera doa eta laguntzak jasotzen jarraitzen dute horrek herritarrengan etsipena sortarazten duelarik, malenkonian eta desesperazioan murgilduz. Hori gutxi balitz, herriko alkatea hirira bizitzera doa eta herrixka Germainen ardurapean utziz. Enpresa batek herrixkan fabrika bat jartzeko asmoz dabil, baina erabakia hartu aurretik bertan media dagoela ziurtatu nahi du. Herritarrek aukera horri bideragarritasun gutxi ikusten diote, gobernu ezberdinek behin eta berri hitza agindu arren ez dutelako hori bete. Dena den, itxaropentsu agertzen dira hilabetez herrira mediku bat etorriko dela jakiten dutenean. Germaninek haren etorrera aukera bakartzat jotzen du eta herrixka harentzako lekurik aproposena bihurtzeko erabakia hartzen du.