16. Korrika oso jendetsua izan da Ermua

‘Korrika’, euskararen aldeko martxaren hamaseigarren edizioa Ermutik igaro zen larunbat gauean. Edizio oso jendetsua izan zen, herritar piloa kalera atera baitzen korrika egiteko eta lekukoa zeramatzaten ordezkariekin bat egiteko. Korrikak hamarrak eta laurden pasatxo inguruan sartu zen gure udalerrian, Mallabiko kideei lekukoa jaso ostean. Karrera gure kaleetan sartu orduko jende ugari bat egin zuen tropelarekin. Jende eta korrikalari gehienak hiriguneko tarteetan ikusi ahal izan genituen arren, asko izan ziren Gipuzkoako mugara joan zirenak eibartarrei lekukoa emateko. Hamaseigarren edizio honetan emakumea omendu nahi izan da, euskara gorde eta transmititzeko bere ekarpenagatik.

Azken edizioan ateratako argazki multzo bat eransten dugu jarraian: