Gaur Patxi Zubizarreta Lobianon

XVII. Euskal Liburu eta disko azokaren programazioaren barruan gaur Patxi Zubizarreta idazleak aurkeztuko du Lobianon literatur emanaldi musikatua "Hamar mezu eta dei bat". Ekitaldia gaur Lobiano Kultur Gunean arratsaldeko 19:30etan izango da.

Literatura unibertsaletik eta Patxi Zubizarretaren lumatik bildutako hainbat testu (ipuin labur eta poemak gehienak - Pessoa, Auden, Rivas, Igerabide, Martin Garzo...) batzuk gordinak, beste batzuk pizgarriak, baina denak ere sentsualtasunez beterik, istorio batean harikaltuak eta gai nagusia amodioa dela.

Patxi Zubizarretak, Ordiziako idazleak berak, testua eta narrazioa egingo du. Josetxo Goia-Aribe saxofoia jotzailea izango da eta Txema Garces baxua joko du.