Bidai eta oporretarako materialak eskaini eta mailegatzen ditu udal liburutegiak

Hirietako planoak, errepideetako mapak, gidak, aldizkariak, hiztegiak eta bestelako material ugari eskaini eta maileguan uzten die udal liburutegiak bazkideei, aurtengo udako bidaietan eraman ditzaten. Halabeharrez, udan murgildurik eta oporrak prestatzen baikaude. Liburutegia egoeraren jakitun da, horrelako materialen eskari handia izaten baitu urtaro honetan. Hori horrela, liburutegiak horrelako guztiak bildu eta eskaintzen ditu guztiontzat.

Material asko apaletatik atera egin du, herritarroi eskaintzeko asmoz. Horien artean mundu osoko herrien gidak daude, hoteletako aldizkariak, kanpin eta ostatua hartzeko lekuak, errepideetako mapak, hirietako plano eta kale gidak, aldizkari espezializatuak, herrialde ezberdinei buruzko erreportajeak DVDan eta abar… Horiek guztiak maileguan hartu eta eraman ditzakegu, oporren bueltan itzultzeko aukera izanik. Hortaz, ez aukerarik galdu.