Kiroldegiko kafetegiaren zerbitzua esleitzeko, UKEk lehiaketa irekia deitu du

Udal Kirol Erakundeak lehiaketa irekia deitu du kiroldegiko kafetegiaren eta bere instalazioetan edari freskagarri edo jakiak saltzeko dituen hiru makinen zerbitzua esleitzeko. Kontratua lehiaketa ireki bidez esleituko da, eta enpresa esleipendunak urtean 10.960 euroko saria ordaindu beharko du. Zerbitzuaren ustiapena urte baterako eskaintzen da, zeina beste batez luzatu ahal izango den, alderdi biek ados egonez gero. Udal kiroldegiko kafetegira sartzeka bi aukera daude: institutuko erabiltzaile abonatuek erakundetik barnetik nahiz kaletik sartu daitezke bertara eta, abonatu ez diren herritar orokorrek, Zeharkale sarrera libretik sar daitezke hain zuzen ere. Kiroldegiko kafetegia osorik jantzita dago zerbitzua eskaini ahal izateko, altzaria keta ostalaritzako tresneria profesionala baititu. Azpiegituren artean, sukaldea ere badago, bertan egunero janariak ematen baitira.

Udal Kirol Erakundeak deialdiaren berri zehatza ematen duen iragarkia argitaratu du, Bizkaiko Aldizkari Ofizialaren 175. zenbakian, irailaren 14ko atzoko alean hain zuzen ere. Lehiaketa honetan parte hartzeko interesa izan dezaketen pertsonak edo enpresak beren proposamenak kirol erakundearen bulegoan aurkeztu beharko dituzte irailaren 29ko ordu biak baino lehen. Proposamenarekin batera deialdiaren baldintza pleguetan eskatutako agiri ereduak beteta aurkeztu beharko dituzte. Agiri guztiak UKEko egoitza den Miguel Angel Blanco kiroldegiaren bulegoetan jaso daitezke. Kiroldegiaren helbidea eta telefonoa ondorengoak dira: Diputazio kalea z/g eta 943 17 92 16 zenbakia. Halaber, agiriak internet eta web-gune korporatibo honetatik –iragarki-oholetik- bertatik behera ekar daitezke.