Haurreskolan irakurgaiak eskaintzeko duen puntua berritu eta handitu du udal liburutegiak

Udal liburutegiak Haurreskolan irakurgaiak eta materiala eskaintzeko duen puntua berritu eta aleak gehitu ditu. Liburutegiak gurasoak eta umetxoek aleak aukeratu eta maileguan etxera eraman ahal izateko esperientzia hau bigarren urtez mantentzea erabaki du, puntu horrek oso harrera ona izan duelako.

Haurreskolan ‘Irakurri’ kanpainako apal bat jarrita du, Eusko Jaurlaritzako Kultura sailak irakurzaletasuna sustatzeko kanpainakoa. Horretan, hainbat ale eta titulu eskaintzen dira, herritarrek maileguan har eta etxera eraman ditzaketenak. Mailegua norberak oso modu errazean egin dezake, apal ondoko agirian datuak betez. Bazkide ez direnak, aukera dute eskabidea betetzeko eta hori han bertan edo liburutegiaren egoitzan entregatzeko, gerora, liburuak eraman ahal izateko.

Haurtzaindegira eramandako aleak ume txikientzako berariazkoak eta egiten duten erabilerarako egokitutakoak dira. Horien artean, txintxirrin-liburuak, azal gogorrekoak, plastifikatutakoak eta bainuan esaterako busti daitezkeenak, gura haurtxoek dibertitu daitezen jolasean.