Mari Asun loradendak eta Senen bitxitegiak irabazi dute aurtengo erakusleihoen lehiaketa

Mari Asun loradendak eta Senen bitxitegiak irabazi dute aurtengo San Martineko erakusleiho lehiaketaren sariak, hurrenez hurren eta hurrenkera horretan. Aurten lehiaketan herriko 30 dendek erakusleihoak apaindu eta hartu dute parte. Epaimahaia Estibalitz Gonzalezek, Lorea Perosanz eta Natalia Arrietak osatu dute. Lehena Euskal Birusa elkarte antolatzaileko kide da eta beste biak Arte Ederretan lizentziatutakoak.

Maria Asun loradendaren kasuan, txarriboda eta horren elementuak zeinen txukun eta modu adierazgarrian irudikatu dituzten baloratu dute epaimahaikoek. Elementuen artean odola zegoen, txerri haragia, heste azala ere bai, baina hori guztia modu garbi eta kuriosoan aurkeztua. Detailerik ez dela falta eta ezer ez dagoela soberan, egileek oreka lortu dutela, hori ere azpimarratu nahi izan du epaimahaiak.

Senen bitxitegiko erakusleihoaren kasuan, estilo minimalista nabarmendu dute epaileek, beren apaletan piper gorri eta berdeak uztartu baitituzte bitxitegiko gaiekin batera. Proposamen berritzaile eta ausarta izan da, gure ortuko piperrei balio erantsi nahi izan dioena. Erakusleiho horien argazkiak, Euskal Birusa elkarte antolatzailearen web gunean ikus daitezke.

XX. San Martin azokan zozketaturiko txerriaren zenbaki saridunak ondorengok izan dira:

• 1. saria, Txerria (edo 300€): 4152 (erretserba: 4965)
• 2. saria, Landetxe batean asteburu pasa bi lagunentzat: 6390 (erretserba: 12249

Sariok jasotzeko epea hamabost egunekoa da, beraz, azaroaren 29a, igandea, da azken eguna. Saria egokitu zaienek Euskal Birusarekin harremanetan jarri behar dute, saria jasotzeko, horretarako Erdikokaleko Elexoste egoitzara joan edo bertako 943 17 93 50 telefonora deitu behar dute.

Amaitzeko, herriko ikastetxeetako ikasleek larunbatean jarritako postuen argazkiak eta, oroigarri gisa, besteren bat, jartzen ditugu jarraian.