UKEko 2010eko tarifa berriak jadanik kirol instalazioetan har daitezke

UKEk urtero egiten duen bezala eskaintzen dituen zerbitzuen tarifa berriak jakinarazi nahi du. Horretarako, agertzen diren tarifa berriak koadernoa sortu da eta bai Miguel Ángel Blanco udal kiroldegian bai Betiondoko Kirol konplexuan dohanik banatuko da. Datorren urtean salneurriek igoera txikia izango dute. Hori horrela, bai abonamenduetan bai alokairuetan eta gainerako zerbitzuetan %1a igoko dira. Familiaren abonuan urteko igoera 1,80 euro izango da eta orain txartelak 173,80 balio izango du. 18 urte baino gutxiago dutenentzat urteko abonuaren igoera 65 zentimo izango da eta datorren urtean abonuak 64,70 euro balio izango du. 18 urte baino gehiago izanez gero, abonuaren salneurria 109,20 euro izango da (kasu honetan igoera 1,10 euro izango da).

Ekonomiko baliabide gutxi daukatentzat bai familiaren abonuetan bai 18 urte baino gehiagoko abonuetan salneurriaren %50eko deskontua har dezakete. UKEk laguntzak Miguel Angel Blanco instalazioetan kudeatuko ditu.

Abonu hauen kuotak banku erakundeen bidez urtarrilaren hamabostaldian helbideratzen hasiko dira.

Pasa den urtean tarifa berriak abonatuen etxeetara bidali ziren. Aurten, ordea, UKEk zerbitzu hau modifikatzea erabaki du, hau da, aurten tarifa berriak dituen koadernoa, nahi izanez gero, digitalki erabiltzaileen posta elektronikoetara bidaliko da. Horretarako, interesatuta daudenak posta elektronikoa bidali behar diote honako helbide elektronikoari: polideportivo@imdermua.com. Gainerakoek koadernoa lor dezakete bai kirol instalazioen mostradoreetan bai beheko loturan ''Informazio gehiago''.