Emakumearen Kontseiluak bihar eginen du aurtengo bere lehen batzarra

Emakumearen udal Kontseilua bihar asteazkena, hilaren 20an, bilduko da aurtengo lehen bileran. Batzarra arratsaldeko bostetan hasiko da Emakumearen Topaguneko bigarren solairuan dagoen bilera gelan. Gai-zerrendak hainbat puntu jasotzen ditu eta, besteak beste, aipatzekoak dira martxoaren 8ko, ‘Emakume langileen nazioarteko eguneko, programa prestatzeko proposamenak. Halaber, Ermuan Berdintasuna lortzeko xedez prestatzen ari den III. Planaren lana eta nondik norakoak ere hizpide izango dituzte. Horietaz gain, garrantzia txikiagoko eta ohiko bileretan jorratzen dituzten hainbat gai eta ukituko dituzte partaideek.

Batzar hauetan herriko emakumeen talde edo elkarteek hartzen dute parte. Bertan aztertzen dituzten gaien artean, gizon eta emakumeen arteko benetako berdintasuna lortzeko hala udalak berak nola talde beraiek proposatzen dituzten jarduerekin zerikusia izan ohi dute. Bilerak irekiak dira eta parte hartzera gonbidatuta daude nahi duten emakume guztiek. Parte hartzeari edo bestako gaiei buruz argibideak jasotzeko, interesdunek sailera bertara zuzendu behar dira. Emakumeen Saila zabalik dago goizeko 8etatik arratsaldeko 3etara eta arratsaldeko 4etatik iluntzeko 8etara bitartean. Bertako telefonoaren zenbakia 943 17 10 30 da eta faxarena 943 17 01 23.