Inportazioen inguruko saiok hasiera emango dio ‘Kalitatezko enplegurantz’ zikloari

Toki-garapenerako udal sailak aste honetan hasiera emango dio pertsona ekintzaile, autonomo eta ETEntzat, antolatu duen bilera eta saio informatiboez osaturiko ziklo berriari. Programari hasiera emango dio Bilboko Merkataritza Ganberak datorren ostegunean, martxoaren 4an. Juan San Martin teknikariak produktuak inportatu edo erkidegotik kanpo erosi nahi dituzten merkatariei hori bermez eta ziur nola egin azalduko die. Jarraitu beharreko pausoak, norengana jo, fiskalitatea, izan daitezkeen arazoak, eta abar adieraziz. Saioa eguerdiko 12etan hasiko Lobiano Kultur Guneako aretoan. Saioa ordu bete iraungo duela aurreikusita dago.

Eguneko programa ondorengoa da:

Bigarrena, martxoaren 10ean eta goizeko 9etatik 10,30etara bitartean egingo da. Egun horretan, informatika arloko IDS Ingenieria de Sistemas enpresa ermuarraren txanda izango da. Horrek, enpresa teknologia berrien bidez kudeatzeak eta kudeaketarako aplikazio informatikoak erabiltzeak duen garrantziaz hitza egingo du. Horrela eginda, lehiakortasunak gora egiten duelako, enpresa osatzen duen alor ezberdinen informazioa ezagutzeko aukera baitugu, esaterako: eskaintza, eskarien gorabeherak, horien fakturazioa, kontabilitatea, ekoizpenaren kontrola, nahiz gizarte-baliabideen planifikazioa, besteak beste.

Saioak gehienetan goizez egingo dira eta aipaturiko taldeen barne daudenentzat amankomuneko gauza interesgarriak jorratuko dira. Saioak Izarra zentroan egingo dira eta bakoitzean enpresen kudeaketari edo enpleguari eragiten dioen gai bana jorratuko da. Parte hartu nahi dutenek aldez aurretik izena eman beharko dute, lekuak mugatuak baitira.