Zelako liburu, halako asteburu!

Asteburu bikaina dugu Euskal liburu eta disko azokaren baitan. XVIII. edizioa betetzen den honetan etengabeko jarduerak izango dira literaturaren inguruan.

Gaur bertan, plazan Iñaki Carretero ipuin kontalariak bi urtetik gorako umeentzako Atximurka izeneko ekitaldia izango dugu 18:30ean plazan, ipuinak kontatu eta herriko haur kantak ekarriko dizkigu, familia guztia parte hartzeko ederra saioa!

22:15ean Lobiano kulturgunean OFF-ON liburuaren aurkezpen musikatuaz gozatu ahalko dugu Yolanda Arrieta eta Juantxo Zeberioren eskutik. Testu laburrak, akzio sinbolikoak, musika biltzailea. Ikuspegi ironikoz eta jokorako intentzioz aurkezten zaizkizu, erabat bukatu gabeko testu edota bizitza-puzka irekiak.Doako saioa.

Larunbatean ere goiz eta arratsaldez izango dugu azoka zabalik. Eguerdiko 12:30ean Keima aisialdi taldearen eskutik umeentzako tailerrak burutuko dira eta arratsaldean ‘Argotu’ antzerki konpainiaren eskutik "de bote en bote" umeentzako antzerkia 18:0etan plazan. Ekitaldi honetan, malabareak, akrobaziak, antzerki eta musika zuzenean nahasten dira. Ikuskizunean aurkezleak bereak eta bi egiten ditu mundu osotik etorritako artistak taularatzeko, bi artista hauek erabiliz pertsonai ezberdinak sortzeko. Modu honetan ikuslegoak musikariak ikusiko ditu tango bat jotzen ikuskizuna hasteko, hauek malabarista holandarrak bihurtuko dira, baita txinatar akrobata, nork itzelezko akrobaziak egin ondoren magia egitea nahi izango du bere laguntzaile bereziarekin, arabiar su jaleak eta suge dantzatzaileak eta amaitzeko errusiar hirukote akrobata, nortzuk txunditu egingo dute bere dorre harrigarriekin.

Igandean, azoka honetako azken hitzordua izango dugu, arratsaldeko 7 eta erdietan punta-puntako bertsolariak arituko dira plazan: Julio Soto, Sustrai Colina eta Amaia Agirre. Maite Berriozabalek jardungo du gai-jartzaile.