Zubiaurre eta VI Mendeurrena kaleetako bide zuloen konponketa bukatu da

Obra eta zerbitzuetako udal sailak bukatutzat eman zituen bart arratsaldean Zubiaurre (BI-2301) eta VI Mendeurrena kaleetako bide zuloak konpontzeko lanak. Lan horietan bide zuloak pikatu, garbitu, horien azpikaldea egokitu, materiala gehitu, guztia trinkotu, busti eta asfaltatzea egin da. Horrez gain, kale horietan budinezko kutxatila zenbait ere erreparatu egin da. Lanak Markina-Etxeberriako Iru Zubi Hondeaketak izeneko enpresaren langileek egin dituzte.

Zubiaurre kalearen goiko aldea egin ahal izateko gure udalak baimena eskatu izan dio Bizkaiko Foru Aldundiari, bera baita BI-2301 identifikatzailea daraman bidearen jabea. Konpondutako bide zatia Okin Zuri auzoaren parean hasten da –astero merkatu txikia jartzen den aparkalekuaren parean- eta Euskadiko Kutxak entitatearen aurrez aurre dagoen VI. Mendeurreneko zebra bidean bukatzen.

Lanei aurreko asteko ostegunean eman zitzaien hasiera eta atzo arratsaldean amaiera. Lanak norabide bakoitzean tartera egin dira, bidea itxi eta erabili izan gabe ez uzbeko eta gidariei eragozpenik gutxiena sortzeko asmoz. Hori horrela, bide zulo bakoitza pikatu eta osorik konpondu eta itxi artean ez zaie heldu gainerakoei.