Loreak basamortuan

Ermuko Komite Internazionalistak, Sahararekiko Elkartasun Plataformak eta informazio eta errebindikazio jarduera programa antolatu du iraileko lehen asterako. Ekimenak gure Udalaren babesa jaso du. Programari bihar emango zaio hasiera eta larunbatera bitartean garatuko da. Sahararrek basamortuan Tindoufeko kanpamenduan bizi duten egoera latz eta larria agerian jartzeko eta gogora ekartzeko xedea du programak. Sahararrek deserriraturik bizi dira basamortuko leku latz eta antzu batean orain hogeita hamar urte, beren egoera politiko eta administratiboa argitu gabe jarraitzen duelarik. Sahararrek nazioarteko laguntzaren pentzutan eta horri esker bizi dira, basamortutik ezin baitute bizi.

Antolatzaileek bidegabekeri horren inguruan informatu eta sentsibilizatu nahi dute. Egitarauari bihar irailaren 1ean emango zaio hasiera, ‘Lurra’ izenburua duen erakusketa batekin. Lobiano Kultur Gunean, larunbatera artean. Erakusketak eta zabalik izango da egunero, arratsaldeko seietatik zortzietara bitartean eta baita eguerditik ordu 2etara bitartean astebukaeran.

Egitarauak jasotako jarduerak

• Irailak 1, asteazkena, 18:00etan: Argazki erakusketaren irekiko da.
• Irailak 2, osteguna 19:00etan: Te-solasaldia: ”Sahararren egoera eta umeen harrera programa”.
• Irailak 3, ostirala, 19:30etan: Zine-foruma.
• Irailak 4, larunbata
• 14:30etan, herri bazkaria.
• 17:00etan, umeentzako jolasak, malabare tailerra, Zaki magoa, musika.
• 19:30etan, musika emanaldia ‘Nomadas’ taldeekin (Hijo del desierto eta Veiras Tafary).