Herriko euskaltegiek matrikula aldia zabalik dute

Herriko bi euskaltegiek hastear dagoen 2010-2011 ikasturterako matrikula zabaldu dute astean zehar. Matrikulazio aldia zabalik egongo da irailaren azkenera artea. Argibideak eta izen emateak zentro bietako idazkaritzan bertan egin daitezke. Udal Euskaltegiak jada kalean jarri du eta banatzen hasi da aurtengo ikasturterako ezaugarrien berri ematen duten informazio kanpaina. Ikastegiak eskaintza zabala eskaintzen du. Iragarri duenez EGA azterketa prestatzeko talde berezia sortzeko eta guraso, merkatari eta etorkinen talde bereziei eguerdiko eskolak emateko asmoz dator. Euskaltegiek orotariko euskara ikastaroak eskaintzen dituzte 16 urteko gorakoentzat eta, eskaintza horren barne euskalduntze eta alfabetatzeko orotariko mailak daudelarik.

Euskaltegiak iaz bezala, eskolak astelehenetik ostegunera bitartean emango ditu, ostirala libre izanik ohiko ikastaroetako ikasleentzat. Erritmo estandarra egunean bi ordukoa izango da, nolanahi ere, aurreikusita daude beste erritmotako taldeak hartu eta eratzea. Talde horiek partaideen beharretara egokitutakoak izango dira eta, esaterako, guraso, langile etorkin edo merkatarien taldeak eratzea espero da. Eguerdiko eskolak ordu bi eta erdietatik lauretara bitartean emango dira, astean hiru egunetan. Ikasturte berri honetan aplikatuko den ikastorduaren prezio 1,18 €uro da, zerbitzua arautzen duen ordenantzan ezarritakoari jarraiki. Hori horrela, ikasleak izena ematen duen taldeak jasotzen dituen eskola orduen araberako kantitatea ordainduko du. Euskaltegiak publizitate kanpaina hasi du, herrian kartelak jarriz ditu eta etxeetako postontzietara foiletoak bidaliz. Aurtengo leloa honakoa da: ‘Zeure neurrikoa!’ Ikasleek matrikularen ordainketa bi zatitan egiteko eta bekak eta laguntza eskuratzeko aukera dute.

kaltxango Aek

Herriko Kaltxango AEK-k ere matrikulazioa ireki du gaur, irailaren 30era bitartean izenak hartuko dituelarik. Ikastegiak ordutegi zabal eskaintzen du, goizez, eguerdiz, arratsaldez eta gauez. Kaltxangok maila guztiak eskainiko ditu: euskalduntzea, hasiera, oinarrizko, goi-maila eta EGArako bidea, hobekuntza, mintzapraktika eta on-line bidezko ikastaro osagarriak. Zentroak gure udalaren eta Eusko Jaurlaritzaren diru-laguntzak jasotzen ditu. Argibideak eskatu eta izen-emateko Bizkai Etorbidearen 13 etxabeko egoitzan, kaltxango@aek.org. posta elektronikoan 943 171940 telefonoan egin daitezke.