LHIak ikasturtea hasi du, ikasleek iaz lortutako emaitza onak hobetzeko asmoarekin

Ermua eta Mallabiko Lanbide Hastapenetarako Ikastegiak aste honetan hasi du 2010-2011 ikasturtea. Aurten laurogeita bat (81) gazte izango dira ikasleak, atzo eta herenegun eginiko aurkezpen ekitaldietan parte hartu zutenak. Taldeko %35 emakumeak dira. Horiek ikastegian hiru espezialitate izango dituzte: ile-apaindegi eta estetikako laguntzailea, ibilgailuen mantenuko laguntzailea eta industri mekanikoko langilea. Ikasturte hasi berria, datorren ekainaren 22an bukatuko da. Bigarren mailako taldeek martxoan hasiko dira enpresetan praktikak egiten. Ikasleek egunero igotzen dira autobusez Mallabira, Ermuak eta Mallabian partekatzen duten zentroa bigarren herrian baitago kokaturik. Joan-etorrien kostua zentroak gain hartzen du eta, beraz, ikasleentzat doan da.

Irakasle taldea ilusioz eta itxaropentsu dago ikasturte berrirako. Udal indarra hartzeaz gain, zentroan hainbat hobekuntza eta , inbertsio ere egin dira. Besteak beste, makina eta lan-trresnak erosi baitira tailerretan erabiltzeko. Esaterako, ile-apaindegi taldean aretoa goitik behera berriztu eta bertarako altzari berriak erosi dira. Mekanizatuen taldearentzat tornu bi erosi dira. Eta, azkenik, automozio taldekoek aurten ibilgailuak altxatzeko aparailu berri bi izango dituzte.

Ikastegiko irakasle taldeak aurtengo ikasturteko erronka gisa, ikasleek iaz lortutako emaitza onak mantentzea eta Eskolako Graduatua (ikasleen %64) edo Gradu Ertaineko zikloetara sartzea (aurkeztutakoen %30) lortu zutenen portzentajea handitzea nahi du. Erronka ez da makala, ez horixe, baina irakasle eta arduradunek ilusio eta motibazio franko dute.