Begoña Marlascak Cuencako herri liburutegiaren esperientzia ekarri digu

Cuencan estatuak duen herri Liburutegiko zuzendari den Begoña Marlascak hasiera eman die gaurko eguneko hitzaldiei. Marlascak zuzentzen duen zerbitzuan irakur zaletasuna sustatzeko jarraitzen dituzten irizpideen berri eman du. Zuzendaria egoera orokorrarekiko kezkaturik eta kritiko agertu da eta, “behar bada, eremu honetan zerbait gaizki egiten ari garela adierazi du, Europarrekin alderatuz irakurketa indize baxuenetakoa baitugu”. Honen hitzaldia oso entretenigarria izan da eta Marlascak entzuleen arreta une oro beregan mantentzea lortu du. Hori lortzeko esperientzian oinarrituz hitz egin eta asmatutako eta erratutako gauzen adibideak eman izan dituelarik, anekdota asko tartekatuz, bildutakoen irribarrea behin baino gehiagotan ateraz.

Hitzaldia aurkezteko lanetan Francisca Pulgar lankidea izan da, Eusko Jaurlaritzako liburutegi eta liburu zerbitzuko langilea. Pulgarrek Begoñaren ibilbidea aurkeztu, honi hitza eman eta galderetan moderatzaile lana egin duelarik. Begoña Marlascak egindako hitzaldiaren mamia pdf formatuko agiri batean dago, zeina eta lasterbide batez guk hemen uzten dizuegu, horretan sakondu nahi duzuen guztiontzat.

• Bergoña Marlascaren hitzaldia jasotzen duen agiria