Maliko dantzen ikastaroa

Durangaldeko maliarren Elkarteko FASODEN dantza taldeak Ermura datorkigu gaur bere kulturako adierazle bat ezagutzera ematera. Dantza taldeko kideek beren herrialdeko dantzetan murgiltzeko eta horietara hastapena egiteko mugimendu eta erritmoak aurkeztuko dizkigute. Bi saio eginen dituzte, gaur eta bihar arratsaldez, Lobianon 7etatik 8etara bitartean. Tailerra doakoa den arren izaera praktikoa duenez gero, plazak mugatuak dira eta hortaz aldez aurretik izena eman beharko da. Horretarako bi aukera daude, bata liburutegira joatea edo bertako telefonora deitzea, 943179212 zenbakira, edo bere posta elektronikoko helbidera idaztea: biblioteca@udalermua.net..

Jarduera udal liburutegiak antolatu du eta Munduko Paisaiak kanpainaren barne dago.