Juanita Ibaibarriaga Literatur Lehiaketaren sariak banatu berri dira

Juanita Ibaibarriaga 2010eko Literatur Lehiaketaren sariak banatu berri ditu Euskal Birusa elkarteak. Sariak Lobiano kulturgunean egindako ostegun arratsaldez egindako ekitaldian ezagutarazi eta banatu ziren. Aurtengo aipatzekoa da bigarren modalitateko saria, erreportaje atalekoa hain zuzen, herriko Drogetenitturri aldizkarian edota www.euskalbirusa.org web gunean argitaratuko dena. Horrela, herritar guztiok berori irakurtzeko aukera izango dugu. Aurten, Tania Alonso Estevezek jaso du saria eta dagokion 400 euroak.

Antolatzaileak parte hartu duten ikastetxe guztiei eskerrak eman zieten ekitaldian, lehen modalitateko lanak lehendabizi ikastetxean aurkezten direlako eta bertakoek egiten baitute lehen galbahea. Gero, ikastetxe bakoitzean aukeratutako lanak jaso, irakurri eta epaimahaikide guztien artean onenak aukeratu ondoren, ebazpena ematen baitute. Aurten, 40 €roko erosketa txekea jaso duten sarituen zerrenda ondorengoek osatu dute:

• LHko 3. maila: Ezizena: Hartz Zuria. Saioa Gutierrez Vazquez (Eskolabarri).
• LHko 4. maila: Ezizena: Rayman. Aitor Rubio (Eskolabarri).
• LHko 5. maila: Ezizena: Loli. Arantzazu Mugerza Uranga (Anaitasuna Ikastola).
• LHko 6. maila: Alaska: Ainhoa Horrillo Esteban (Anaitasuna Ikastola).
• DBH 1: Ezizena: Sagarra. Eneritz Miguel Prieto (Ongarai BHI).
• DBH 2: Ezizena: Izengabea. Jone Rodriguez (Ongarai BHI).