Azterketa garaia dela-eta, ordutegi berezia liburutegian

Ermuko udal liburutegiak ordutegia luzatuko du azterketak direla eta, otsaileko azterketak prestatzen eta ikasten jardungo duten ikasle guztientzat.

Ordutegi bereziko kanpaina berri hori indarrean izango da gaurtik -urtarrilaren 10etik- otsailaren 4ra bitartean, biak barne. Epe horretan, esan bezala, zerbitzua zabalik egongo da goizeko 9,30etatik gauera bitartean, hain zuzen ere gaueko 12ak arte, hau da hamalau ordu eta erdi jarraian. Ordutegi hori astelehenetik ostiralera mantenduko da.

Aste bukaeretan ohikoa mantenduko da

Udal liburutegia 2011. urteko asteburuetan eta jai-egunetan goizeko 11etatik 14etara eta arratsaldeko 17etatik 20etara irekita egongo da.