Lobianon gauzatuko diren tailer berriak aurkeztu dira

Udal kultura sailak Lobiano Kultur Gunean aurtengo lehen hiruhilekoan egingo dituen tailerrak aurkeztu ditu. Eskaintza irekia da eta herritar orori zuzentzen zaio. Tailerren berri emateko kartela argitaratu eta zabaldu da. Izen emateak bihar hasiko dira eta dauden plazak bete artean artean zabalik mantenduko. Izen-emateagatik ordaindu beharreko kopurua ezberdina da, orduen eta eginkizunaren arabera. Garestienak 27 euro balio ditu eta merkeenak, aldiz, 15 euro. Nolanahi ere, langabetu, ikasle eta gazte txartelaren titularrek deskontuak izango dituzte. Kultura alorrak proposamena ezagutarazteko kartela argitaratu du. Kartelean Lobianon egingo diren hiru tailer planteatzen zaizkigu ermuarroi, zeinak otsailetik apirilera bitartean gauzatuko diren. Izen-emateak Lobiano Kultur guneko bulegoetan eta telefono bidez (943 708700) egin daitezke astelehenetik ostiralera, goiz nahiz arratsaldeko ordutegian.

Programatutako tailerren zehetasunak:

• Astelehena: otsailaren 4an hasi eta apirilaren 11n bukatuko den eskulanen tailerra, 18 ordu iraungo dituena. Ordutegia: arratsaldeko 7etatik gaueko 9etara. Prezio orokorra 27€ dira eta deskontua izan dezaketenentzat (langabetu, ikasle eta Gazte Txartela dutenek) 18 euro.
• Asteartea: Barre-terapia tailerra. Otsailaren 15etik martxoaren 15era bitartean, 10 orduz.. Ordutegia arratsaldeko 7etatik 9etara bitartean. Izen-emateak 15 euro balio ditu eta bost gutxiago deskontua dutenentzat.
• Osteguna: Otsailaren 3tik apirilaren 14ra bitartean 16, orduz flamenkoa dantzatzen ikasteko den tailerra egingo da, arratsaldeko 7etatik iluntzeko 9etara bitartean. Izen-emateak 27 euro balio ditu eta bederatzi gutxiago deskontua dutenentzat.