2011ko Inauteriek, jada, badute kartel ofiziala

2011ko Inauteriak ate joka ditugula eta, kultura sailak gaur ezagutarazi du kartel lehiaketaren lan garailea eta lan horren egilearen izen-abizena. Lanaren oinari argazki bat da. Bertan trajez jantzitako gizona ageri da, arropa eransten eta bere bularra erakusten. Arroparen azpian otsoaren ilea du. Kolorezko serpentinak daramatza. 2011ko inauterien leloaren gainean, otsoaren apoa du. Kartela Barakaldoko Alberto Martínez Ortízek egin du eta irabazle izateagatik 450 euro eskudirutan jasoko ditu. Lehiaketara guztira 23 lan aurkeztu dira. Proposamen guztietatik lau aukeratu ziren eta, orain, epaimahaiak horien horren artean onena, bere ustez, aukeratu duelarik. Aurtengo lehiaketan ikusitako maila altua eta ona izan da epaimahaiaren iritziz.

Egitarauari hasiera emango zaio martxoaren 3an, ‘Eguen zuri’ egunean

Inauteriei hasiera emango zaie martxoaren 3ko ostegunean, ‘Eguen Zuri’ egunean. Arratsalde horretan, tradiziori jarraiki, oilarraren jokoa jokatuko da herriko plazan eta gazteenek, diskoteka izango dute. Ostiralean, Euskal Biruseko kideek ‘Hartza Eguna’ ospatuko dute, kalejira eginez eta kopla zaharrak kantatuz. Programa osoa ikusteko, segi informazio gehiago dioen lasterbideari.

Larunbatean gauza eta jarduera asko izango ditugu herrian, eguerditik hasi eta goizaldera bitartean. Asteartean, amaiera emango zaio aurtengo edizioari, jarduerak arratsaldetik gauera artean izango ditugularik.