Bizkaiko txapeldun dira Errotabarri eskubaloi taldeko kadete eta jubenilak

Errotabarri eskubaloi taldeko neska kadete eta jubenilak Bizkaiko txapeldun dira. Taldeak denboraldiari amaiera eman dio azken asteburuan, Bizkaiko kopako finalak jokatu eta irabazi eta gero. Finalak Galdakaon jokatu ziren azken larunbatean eta partida bietan garaile atera ziren ermuarrak. Kopa irabaztea denboraldiari amaiera oso duina emateko modua izan da. Denboraldia oso ona egin izan dute elkarteko talde gehienek eta batez ere, ligako lehen postuan amaitu eta kopa jokatu izan dutenek. Emaitza horiek, ukuilu izango dira elkartearentzat, datorren denboraldian ere ilusioz eta adorez aurrera jarraitzeko.

Kadeteetan ermuarrak eta Barakaldotik etorritako Zuazo taldekoek neurtu ziren. Jubeniletan, berriz, Errotabarrikoek Athletico Basauriko neskekin jokatu zuten. Partida bi horietan nagusitu eta txapela jantzi zuten ermuarrek.

Emaitzak ondoren zehazten dizkizuegu:

• Kadeteak
• Errotabarri Eskubaloi Taldea 22 - Zuazo 17
• Jubenilak:
• Errotabarri Eskubaloi Taldea 26 - Athetico Basauri 18

Finaleko partidetan emozioa izan zen. Markagailuaren arabera, Errotabarri kadete eta jubenil taldeetako neskek Bizkaiko Txapeldun izan dira, 2010-2011 denboraldian. Beheko aldean, finaletan jokatu zuten jokalari, entrenatzaile eta ordezkarien argazkia uzten dizuegu. Zorionak!