Jabekuntza eskolek ikasturte amaierako Topaketa egingo dute

Ikasturte amaiera dela-eta, Euskadiko Jabekuntza Eskolen sareak denboraldiari amaiera emateko jardunaldi berezi antolatu du. Jardunaldi hori Ondarroan gauzatuko da, ekainaren 11ko larunbatean. Jardunaldian jorratzeko aukeratu den gaia: emakumeak arte ederretan eta musikan da, egun horretan hainbat esperientzia ezagutzeko aukera izanen dutelarik. Uda ondorengo denboraldi berrira bitartean elkartu, ezagutu eta egindakoa partekatzeko azken aukera izango dute partaideek, jai-egun girotsuan.

Esan bezala, topaketa Ondarroan egingo da, ekainaren 11ko larunbataren goizeko 11etatik arratsaldeko ordu 2etara bitartean (bertan bazkaltzeko aukera, egon badago nahi duenarentzat). Ermuko Emakumearen Topagunea bertan izango da, parte hartzen. Hori horrela, Berdintasun Sailak ermuko emakume guztiei dei egiten die, parte har dezaten. Hortaz, joan nahi dutenez Emakumearen Topagunera joan eta izen-emate fitxa bete behar dute. Edota posta elektroniko bidez fitxa eskatu, casadelamujer@udalermua.net postontzira idatzita. Izena emateko azken eguna ekainaren 7a da, datorren asteko asteartea, eguerdiko hamabiak arte. Anima zaitezte eta parte hartu!