Zazpi jokalariko eta alebin mailako erkidegoen arteko bosgarren futbol txapelketa

Zazpi jokalariko eta alebin mailako erkidegoen arteko bosgarren futbol txapelketa jokatuko da gure herrian datorren asteburuan. Txapelketa Gaztela-Mantxako Kultur Etxeko kirol alorrak antolatzen du eta larunbatetik igandera arte jokatuko da. Partidak Betiondo kirol guneko futbol-zelaian jokatuko dira. Horretan oinarri-futbola lantzen duten talderik onenak parte hartuko dute, Espainiakoak nahiz atzerrikoak, aurten estreinakoz talde frantziar bat etorriko baita. Neurtuko diren taldeen artean eibartar bi, valentziar bat, Albaceteko bat, kantabriar bat, frantsesa eta ermuar bi izango ditugu.

Talde parte hartzaileek ondokoak dira: Amaika-bat, Durangoko kulturala, Eibartarrak, Erreala, Eglatins, Gasteizko Alavés , Aretxabaleta, Perinés K.T, Santutxu F.T., Eibar S.D, Arrasate K.T, Albacete balompié, Danok-bat, Ermua K.E. eta antolatzailea den Gaztela-Mantxako Kulturetxea. Txapelketa larunbat eta igandean jokatuko da. Larunbateak partidak goiz nahiz arratsaldez izango dira. Igandean, aldiz, bakarrik goizez.

Hamasei elkarte parte-hartzaileak lau taldetan banatuko dira. Talde bakoitzeko kideak elkarren kontra jokatu beharko dute, ligaxka sisteman. Lau taldeetako lehen sailkatuak, final aurrekoak jokatuko dituzte eta, norgehiagoka horietako irabazleak, finalean sartuko dira. Txapelketaren nondik norakoak eta irizpideetan, hori arautuko duen oinarrietan jaso dituzte. Laburbilduz, kirol ikuskizun paregabea asteburuan Betiondon. Ezazue galdu!

• Txapelketa iragartzeko kartela
• Talde, ordutegi eta partiden taula
• Txapelketa arautzen duten oinarriak

• Alebin mailako erkidegoen arteko laugarren futbol txapelketa
• Alebin mailako erkidegoen arteko hirugarren futbol txapelketa