Koadrilen arteko jokoak aurrera

Txarangen batzordeak antolatutako koadrilen arteko jokoek aurrera jarraituko dute eta gaurkoan neurketa gehiago jokatuko dira. Arratsaldeko zazpietatik aurrera soka-tirako finalak jokatuko dira, Orbe Kardinalaren plazan.

Gaueko bederatzietan ogitartekoak eta edariak banatuko dituzte txarangen batzordeko kideak, prezio oso merkeetan.

Jaietan bete-betean sartu aurreko jarduerekin jarraitzeko, ondoren eta gaueko hamar eta erdietatik aurrera txaranga abestien lehiaketa gauzatuko da.

Bihar jokoak aurrera egingo dute, triatloi eta pepino probekin. Aurtengo urteko jokoek arratsaldero jende eta ikusle ugari biltzen ari dira. Horietan parte hartzen ari dira hogei ‘txaranga’ eta horien kideek jarraitzaile eta ikusle asko biltzen ari dira.