2011 Santixauetako paella lehiaketa: sari oso erakargarriak

24.07.11
Kultura eta Gazteria

Lobiano Gastronomi elkarteak antolatu du aurten urteroko paella lehiaketa herrikoa, Santixauak 2011. Lehiaketa nahi duten lagun talde, txaranga edo elkarte parte hartu ahal izango du. Baldintza bakarra sukalde lana eta baita prestatutakoa kalean bertan jatea izango da. Lehiaketan parte hartu ahal izango da adinaren arabera, bi talde bereziko baitira. Senior edo helduak eta gazteak, hain zuzen ere. Lehiaketan parte hartzeko izena eman beharko da Zezen egunean bertan, plazako kioskoan, goizeko 10etatik 12etara bitartean. Lehiaketa izena ematen duten talde guztiei kilo bana arroz emango zaie, paella jango duten 10 pertsonako. Arroza banatuko da, produktua agortu artean.

Paellak epaimahaiaren aurreran aurkeztu beharko dira Zezen eguneko ordu bietatik hiruretara bitartean, Orbe plazako kioskoan bertan. Senior edo helduen lagun talde bakoitzeko ardo botila bina banatuko da, parte hartzearen ordainetan. Aldiz, gaztetxoen taldeen kasuak, litroko bi botila freskagarri banatuko dira, alkoholik gabekoak, noski.

Epaimahaiak paellak aztertu eta dastatuko ditu, hori egin eta berehala bueltatuko dizkielarik talde bakoitzari. Sariak ez dira nolanahikoak, ez horixe. Helduen taldeen artean lehiaketako lehen eta bigarren sailkatuei 500 eta 200 euro emango zaie, hurrenez hurren. Gaztetxoen atalean aldiz, lehenari 150 euros emango zaio eta bigarrenari, aldiz, 50 euro. Parte hartzaile guztiek, opari bana eskuratuko dute. Epaimahaiaren erabakia apelaezina izango da. Horren berri arratsaldeko 7etan emango da, Larrain-dantza hasi baino lehen. Lehiaketak Ermuko Merkatari eta Ostalarien (EMOEren) laguntza jasoko du.

Lotutako albisteak

Imagen
23.05.25
Lobianoko Erabilera erregelamenduari buruzko kontsulta publikoa zabalik da

Herritarrok ekarpenak egin ahal izango ditugu datorren ekainaren 10era arte
Imagen
22.05.25
'Txitxaun' taldeak '75 puñaladas' antzezlana aurkeztuko Antzokian

Ostiraleko 20:30etan, gazteleraz. Sarrerak 8 €uro balio du
Imagen
20.05.25
'La cita' eta 'La buena letra' asteko zine komertzialaren proposamenak

'Septiembre dice' emango zineklubean eta 'Kayara' gazteen saioan