Ermuko Udalak 10.000 euro bideratuko ditu azken bi urtetan euskara ikasten aritu diren ermuarrentzako

Ohikoa den legez, Ermuko Udalak, Euskara Sailaren bitartez, euskara ikasleentzako beka-deialdia zabaldu berri du. Gaurtik aurrera eskabideak abiapuntun bertan aurkeztu ahalko dira urriaren 4ra arte.

Garai hauetan ohikoa denez, Ermuko Udalak euskara ikasten aritu direnentzako beka deialdia zabaldu du. Euskara ikasten jardun duten pertsonek beren eskabideak jada aurkez ditzakete Abiapuntu izeneko bulegoan, Komentukua kalean. Eskabideak aurkeztu ahal izango dira datorren urriaren 4ra arte, egun hori barne. Deialdiaren ezaugarriak iazkoaren antzerakoak dira, haiek hartu baitira oinarri gisa. Iaz, 8.000 euro baino gehiago banatu ziren aurkeztu ziren 43 eskabideen artean, horien artean urteko osoko ohiko ikastaroak, udako eta neguko ikastaroak lagunduak izan ziren. Aurtengoan ere diruz lagunduko diren ikastaro motaren abanikoa zabala mantentzen da eta 106. urratsetik 112. urratsera bitartean aritzen diren ikasleek ikastaro beragatik, bi aldiz, diru-laguntza jasotzeko aukera izanen dute. Horretaz gain, lan gabe egon diren ikasleek, eta gutxienezko soldatara heltzen ez direnek matrikularen %75a jasotzeko aukera ere izango dute, diru-laguntza honekin eta HABEk ematen dituen diru-laguntzen bitartez ikastaroa doakoa izatera hel daitekeelarik. Informazio guztia Udal webgune korporatibo honetan eskuragarri dago.