Gaurdanik zabalik dago Aisialdiko Gabon Ekintzetarako izen-ematea

2011ko Gabonetako Aisialdi Ekintzetan izena emateko epea gaur irekiko eta bi astez -azaroaren 18ra arte- zabalik egongo da. Izen-ematea LHko 1. mailatik DBHko 2. mailara arteko ume eta gazteei zuzendutako 2011ko Gabonetako Aisialdiko Ekintzetan izena emateko epea. Urtero legez Euskara Sailak, Antxintxiketan begirale taldearekin elkarlanean, Gabonetako egunak Ermuko umeek ondo pasa ditzaten egitarau erakargarria osatu du, honen bitartez, umeek ohiko diren eskulanak eta jolasak egiteaz gain, hainbat irteera izango dute, gure inguruak hobeto ezagutzeko eta Gabon egun hauek ondo disfrutatzeko.

Matrikula guztiak Euskara Sailean egin beharko dira –komentukua 5ean, udal liburutegi ohiaren eraikinean-, gurasoek, bertara joan, dagokion izena emateko fitxa bete, Osakidetzako txartela ekarri eta matrikula tasak ordaindu besterik ez dute egin behar. Matrikulazioaren prezioa umeko 50€ da eta familia bereko bi anaia-arreba apuntatuz gero bakoitzeko 40€.

Egitarauari dagokionez, behin-behineko egitaraua ikastetxeen bitartez ume guztien artean banatuko da. Zerrendak itxi ondoren, behin betiko egitaraua osatu eta berori zuzenean umeei etxera bidaliko zaie. Bestalde, aurten zazpi egunetan zehar garatuko dira ekintzak., abenduaren 26-27-28-29 eta urtarrilaren 2-3-4an hain zuen.