UKEk oinarrizko diploma jasoko du, kudeaketa hobetzeko agertu duen inplikazio eta ahaleginagatik

Udal Kirol Erakundeak oinarrizko diploma jasoko du, kudeaketa hobetzeko agertu duen inplikazio eta ahaleginagatik. UKEko teknikari eta langileek 3K: kirol erakundeen kudeaketa hobetzeko proiektua parte hartu dute aurten. Lehen eta hastapeneko urtea izateagatik, hasiera mailako diploma hartuko dute bihar arratsaldean Gasteizen egingo den ekitaldian. Bertan izango dira kirol zinegotzi Miguel Ledesma, erakundeko gerente Pedro Diaz eta kirl teknikari Antton Garcia. Ekitaldia Gasteizko Bibat Museoan -Fournier Karta eta Arkeologia museoan- izango da arratsaldeko 17:30etan hasita. Ekitaldia Euskadin Euskalitek koordinatzen duen Kalitatea eta Bikaintasunaren astearen barruan txertatzen da.

3K: kirol erakundeen kudeaketa hobetzeko proiektua Araba, Bizkaia eta Gipuzkoako Foru Aldundiek antolatzen eta diru laguntzen dute, 2010az geroztik.

3K: kirol erakundeen kudeaketa hobetzeko proiektua, hiru urteko iraupena duen proiektua da. Lehenengoan erakunde parte hartzaileek, Euskaliten eta 3 Foru Aldundien artean egindako eta kirol erakundeei zuzendutako auto-ebaluazio Gidari buruzko prestakuntza jasotzen dute, gidaren atal bakoitzean hobetzeko prestatuz eta erakundearen benetako auto-ebaluazioa eginez. Horrekin guztiarekin hobekuntza plana egin ahali zango dutelarik. Bigarren urtean erakundeek estrategia landuko dute batik bat, plan estrategikoa eta urteko planari aurre egingo diotelarik, eta baita bigarren auto-ebaluazioa ere. Hirugarren eta azken urtean, misio, ikuspegi eta balioen berrikuspena egingo dute. Baita, plan estrategikoaren berrikuspena; eta lehen urtean bezeroei eginiko inkesta berrikusi eta berregitea. Halaber, Bigarren kudeaketa plana gauzatuko jasotako ezagutzarekin.