'Gerra garaian hazten', EEBBtan argitaraturiko ermuar baten liburua

Jaiotzez ermuarra dugun Arantza Cazalis Izarrak liburu bat argitaratu berri du, “Growing up in a time or war” (Gerra garaian hazten) titulua duena. Liburuan berak eta bere arrebek Gerra Zibilean Espainiatik ihesi eta erbestean babestu behar izan zutenean bizi izandako pasadizoak kontatzen ditu. Arantza Cazalis Izarrak Ermuan jaio arren, 1948. urteaz geroztik Estatu Batuetan bizi da.

Liburua, Estatu Batuetan argitaratuta dago eta Ermuko Liburutegira egilearen beraren eskutik heldu da, Ermuan egonaldia egitean liburua aurkezteko aprobetxatu baitu. Liburua ingelesez dago idatzita eta lehen pertsonan eta 9 kapitulutan erbestealdiaren zailtasunak, jaio eta hazi ziren herriko oroitzapenak, hizkuntza, ohiturak, familia eta Gerra Zibilaren ondorioz bere bizitza igaro duen leku desberdinak: Frantzia, Dominikar Errepublika, Mexiko eta azkenik EEBB.

Arantza Cazalis Shue-k, horrela sinatzen du liburua, EEBBetan ohikoa baita senarraren abizena erabiltzea ezkondu ondoren, liburu erabat autobiografiko bat aurkezten du, non bere haurtzaroko argazkiak eta bere bizitzan zehar garrantzizkoak izan diren pertsonenak ikusi daitezkeen.

Bertako Bildumako parte diren eta dagoeneko maileguan eraman daitezkeen liburuaren bi ale daude udal Liburutegian.