Udalbatzak asteazkenean 2011ko azken Osoko Bilkura egingo du

Udalbatzarra aurtengo azken Osoko Bilkurara bilduko da asteazken goizean. Bilerak ohiko izaera izango du eta hamaiketarako deituta dago lehen deialdian. Eguneko gai-zerrenda zazpi puntuk osatzen dute. Lehenengoan, aurreko bileretako aktak onartuko dira. Bigarren eta hirugarrenean kredituak gehitzeko udal aurrekontua aldatuz alkateak luzaturiko bi dekreturen berri emango da. Laugarrenean, udalaren eta Berrikuntza Soziosanitariorako Fundazioaren arteko lankidetza-hitzarmena onetsiko da.

Bosgarren puntuan, Abeletxen zuzkidurazko bizitokiak eraikitzearen ondorioz suertatutako orube-lur-zatiaren jabetza publikoa desafektatzeko espedienteari hasiera emateko. Seigarrenean, Bildu alderdiak Osoko bilkuren ordutegia arratsaldetara pasatzeko eskatu duen mozioa hizpide izango da. Eta azken puntua, eskari-galderak izango dira, baldin badaude.

Gai-zerrenda eskaintzeko, iragarki-oholari lotura egin diogu eta, horretara ailegatzeko, saka azpiko informazio gehiago izeneko atalaren gainean.