Herriko hirugarren duatloia martxoaren 24ko larunbatean jokatuko da

Ermuko Ostots Triatloi kirol taldeak duatloi proba antolatu du martxoko laugarren astebururako. Proba hori konbinatua izango da eta martxoaren 24an jokatuko da, arratsaldeko 5etatik aurrera. Ostotsek antolakuntzan gure Udalaren, UKEren, Triatloi federazioaren laguntza du. Proba hori Euskadi eta Nafarroako txapelketaren barne txertatzen da. Probak oinez eta bizikletaz gaineko lasterketak uztartuko ditu. Kirolariek oinez eta bi zatitan guztira 5 kilometro bete beharko dituzte, aldiz, bizikleta gainean 20 kilometroko ibilbidea egin beharko dute, amaitu auirretik beste 2,5 kilometro korrituz. Probari hasiera emango zaio arratsaldeko bostetan. Trantsizio gunea Orbe Kardinalaren plazan egongo da.

Duatloi honetan triatloi lizentzia indarrean dutenek pertsonek bakarrik korritu ahal izango dute federaturik ez dauden pertsonen izen-emateak ez baitira onartuko. Izen-emateak Euskadiko Triatloi Federazioaren webgunearen bidez egin behar dira eta bankuko ordain-txartela erabilita, ez baita beste ordainketa modurik onartuko. Izen-emateak 23 euro balio du eta gehienez ere 240 kirolari onartuko dira. Antolatzaileek 2100 euro banatuko dituzte saritan. Eta kirol materiala eta opariak zozketatuko proba amaitzen duten guztien artean.

Probari buruzko edozein motatako informazio edo argibiderik behar izanez gero, interesatuek 629860687 telefonora deitu dezakete izen-ematea zabalik dagoen egunetan eta 18:00etatik 19:30etara bitartean.

Materialaren kontrola 15:00etan hasiko da, boxeetako ateak 15:45etan zabalduko dituztelarik. Derrigorrezkoa da iraungi gabeko lizentzia edo lizentzia gainean eraman ezean, ENA-a aurkeztea boxeetara sartzeko. Proba amaitzean, eta materialaren erretiratzea egokia ziurtatzeko, probako dortsala aurkeztea derrigorrezkoa izango da.