DYAk istripuen prebentziorako Astea antolatu du

Errepidean Laguntza ematea xede duen DYA elkarteak Osasunaren eta Istripuen Prebentziorako Astea antolatu du Eibarko ordezkaritzan. Jarduera gaurtik larunbatera bitartean gauzatuko da, Eibarko Ordezkaritzan –Paguey kalea, 5-. Jarduerak doakoak nahi duten pertsona guztientzat. Izena emateko 943 46 46 22 telefono zenbakira ditu eta nahi den jarduera edo ikastaroa adieraztea besterik ez da egin behar.

Astean zehar hitzaldi, tailer eta istripu baten simulazioa egingo dira. Jarduerak arratsaldeko zazpietatik gaueko bederatzira bitartean izango dira astelehenetik ostiralera bitartean. Larunbatean, amaiera egunean, aldiz, goizez egingo da, hamaiketatik hamabietara bitartean. Jarduerak ondoren zerrendatzen dizkizuegu laburrean:

• Hilak 16, astelehena, Hitzaldia: Nola jokatu ohiko jardunaldien aurrean.
• Hilak 17, asteartea: Bendaje edo hesgailuak errazak egiten ikasteko tailerra.
• Hilak 18, asteazkena: Hitzaldia: etxeko istripuak prebenitzeko neurriak.
• Hilak 19, osteguna: Bihotz eta birikiak suspertzeko tailerra.
• Hilak 20, ostirala: Hitzaldia: bihotza nola zaindu bhar den.
• Hilak 21, larunbata: Motorrarekin izandako istripuaren simulazioa.