Zientzia eta teknologi aplikatuak irekiko dute Toki Garapenaren Asteko egitaraua

Toki Garapeneko 2012 Jardunaldiak astelehenean zabaladuko da. Zortzigarren edizioa astelehenetik ostiralera bitartean gauzatuko da. Egitaraua zientzia eta tecnología aplikatuen gaiarekin irekiko da, horiek izango baitira hizpide eta eguneko ardatzak. Egun horretan gure artean punta-puntako 9 zientzialari eta dibulgatzaile izango ditugu. Horiek guztiak “Exapatazioa eta Dibertsitatea”ri buruz hitz egingo digute. Gai zientifiko ezberdinetako mugaren ezagutzak benetako bizitzan nola erabili daitezkeen azalduko digute, batez ere enpresa eta teknologi arloetan dituzten erabilerei buruz arituko direlarik. Horrez gain, bio akustika, ozeanografia, bio teknologia, osasuna eta nano-materialen berri jaso ahal izango dute, gure gonbidatuen ahotan.

Izarra Centre eraikina apirilaren 24ko asteartean inaugaratuko dugu, Patxi López Lehendakari bertan dugula

Izarra Centre eraikina apirilaren 24ko asteartean inauguratuko du, Patxi Lopezek. Lehendakariak inaugurazio ofiziala presidituko du, eraikina bisitatu, ezagutu eta plaka bat estalgabetuko duelarik, arratsaldeko bost eta erdietan. Astearteko eguna Enpresa Txiki eta Ertainen (ETEn) Nazioartekotzari dedikatuko da. Lehendakaria astelehenean zen Ermura etortzekoa eta guk horrela iragarri izan dugu, baina azken orduko ezusteko bat izan eta bere agenda aldatu beharrean izan da Euskadiko gobernu buruak.

Apirilaren 24ko martitzenean enpresek eta enpresei zerbitzuak eskaintzen dizkieten profesionalek nazioartekotzeak duen garrantziari buruz hitz egingo digute, horren bidez lehiakortasuna hobetu ahal izateko. David Fernándezek, SPRI-ko Nazioartekotzerako Sailaren Zuzendariak, Euskal ETE-en nazioartekotzerako sostengu zerbitzuei buruz hitz egingo du, eta Rocco Cairak, Bilbon Irlandako Ohorezko Kontsula denak, nazioarteko merkatuetara ateratzean aurki ditzakegun arazo nagusiez hitz egingo du.

Edizioaren oinarri izango diren gaiak: zientzia eta teknologia aplikatuak, nazioartekotza, eduki digitalak, pertsonentzako arretak eta ekintzailetza

Toki Garapeneko Alorrak, beste urte betez, gizarte eta ekonomia jarduera sustatzeko, udalerrira ezagutza erakartzeko eta udalerriek beraien lehiakortasuna mantentzeko garatu dezaketen lan ildoak eskaintzeko helburuarekin ekitaldi sorta zabala antolatu du. Helburu hori guztia, Toki Garapenaren Asteko egitaraura bilduz. Zentzu honetan, Ermuko Udaletxeko Toki Garapeneko Alorrak tokiko industriaren lehiakortasuna mantentzen lagunduko duten ekitaldiak antolatzen ahalegindu da, ekonomi sektore berriak ahantzi gabe eta horren alde eginaz.

Apirilaren 25eko jardunaldian, garrantzi handia duen eta hazten doan sektore bati eskainiko diogu, Euskal Herrian indarra lortzen dioana: eduki digitalen industria. Horrela, gure artean Ikus-entzunezko Enpresen Euskal Klusterraren Zuzendaria den Itziar Mena, Europa-Bilbao Teknologi Institutuaren Zuzendaria den Ignacio Otalora eta ‘Ubiqa’ enpresaren bazkide fundatzailea den José Luis Roncero Gorrochategui izango ditugu gure artean.

Sormenak; Julian Iantziren hitzak eta Juan Torresen oroimenezko sariak amaiera emango diote jardunaldiei

Apirilaren 26a pertsonen etxeko arretako berrikuntzari eskainiko diogu. Hazkunde ahalmen handia duen sektorea izanik, Udal honek bultzatzeko asmoa duen lan ildoa era bada. Horrela, saio honetan Berrikuntza Soziosanitariorako Euskal Fundazioko Zuzendaria den Fernando Fantovak, Aita Menni Ospitaleko Garuneko Kalteko Zerbitzuko Burua den José Ignacio Quemadak, Eider Fernández Zapiain Terapeuta Okupazionalak eta Matz Errekako Jabi Odriozolak parte hartuko dute.

Azkenik, apirilaren 27a ekintzailetzari eskainiko diogu. Toki Garapeneko Alorrak eskaintzen dituen zerbitzuak aurkezteaz gain, Izinker enpresak, gerturatzen den jendearentzat, motibazio eta sormen tailerra egingo du. Ondoren, Julian Iantzik, aurkezle eta enpresa gizon ezagunak, motibazioaz eta ekintzailetasunaz hitz egingo digu. Bukatzeko, “Juan Torres” lehiaketako sarien banaketa egingo da.

• Toki Garapeneko 2012 Jardunaldien Egitaraua