‘25 urte ametsak eraikitzen’, Jose Merino memorialari errepasoa egiten argazkien bidez

Gaztela-Leon elkarteko atletismo klubak ‘Jose Merino memoriala’ izeneko lasterketa herrikoiaren hogeita bost urteei iruditan errepasoa egiten dien erakusketa irekiko du gaur. Bildumari ‘25 urte ametsak eraikitzen’ leloa jarri diote eta ikusgai egongo da urriaren 14ko igandera bitartean, Lobiano Kulturgunean. Sarrera doan da eta astelehenetik igandera bisitatu daiteke arratsaldeko 6etatik iluntzeko 8etara bitartean, igande eta jai egunak barne izanik. Erakusketa datorren igandean –urriaren 7an- korrituko den karreraren aurrerapena da, ekitaldi biak ostiraletik gauzatzen ari den Kultur eta kirol asteko programaren baita daudelarik.

Gaztela eta Leoneko atletismo klubak atzo topaketa egin zuen Lobianon. Ekitaldian erakusketa aurkeztu zen, probako antolatzaile izan direnak, proba irabazi duten kirolariak eta Jose Merinoren senideak omendu zirelarik.

• Agiri osagarriak:
• Erakusketa iragartzen duen kartela
• Lasterketaren jatorriari buruzko laburpena