Posta olatua!

Morokotik, Veneziatik, Islandiatik, Romatik, Zuberoatik, Ekuadorretik, Costa Ricatik, Valentziatik... eta hainbat leku ezberdinetik animatu da jendea oporraldian tartetxo bat hartu eta postala idazteko. Horrela bada, parte hartu izan duten lagun guztiei esker burutu da udako XII Posta lehiaketa. Pasa den astean, lau lagunek osatuko epaimahaia batu eta kategoria bakoitzeko hiru postal onenak aukeratu zituzten. Ez zen lan erraza izan, postal guztiak oso erakargarriak baitziren. Dela lekuaren deskripzioa, dela bizitako egoeren kontaketa, narraziorako originaltasuna, idazkera edo postal bera; iritzien elkartrukatze luze horren ondoren eman zuten ebazpena. Jasotako postal guztiak liburutegian jarriko dira ikusgai, guztiok ikus eta ezagutu ditzagun.

Atzokoan aldiz, Ermuko Haur liburutegian, irabazle guztiak eta hainbat lagun bildu ziren sariak banatzeko ekitaldira. Ekitaldia polita izan zen, bertaratutakoek bazekiten udal euskara zerbitzuko kideen deia jaso eta gero sariren bat jasoko zutela, baina ez zekiten hurrenkera eta emaitza zehatza zein zen; horrela, sariak banan-banan eman ziren eta postal irabazleek postala jendaurrean irakurri zuten. Saria banaketa ondorengo sailkapenari jarraiki egin zen:

• Nagusien kategoria:
• Lehen saria: Plitvicka Jezera, Koldo Aranberria (saria: Bi lagunendako asteburu pasa landetxe batean.
• Bigarren saria: Bled (Slonenija), Mari Carmen Allende (saria: Txokoterapia tratamendua.
• Hirugarren saria: Islandia, Nagore Espilla (saria: bi lagunendako afaria).
• Gazte txokoa:
• Lehen saria: Zarautz, Amaia Arginzoniz (saria: 50 eurotako erosketa txekea.
• Bigarren saria: Valentzia, Esther Molinero (saria: 40 eurotako erosketa txekea.
• Hirugarren saria: Noja, Saioa Gutierrez(saria: 30 erotako erosketa txekea.

Zorionak guztioi. Datorren urtean gehiago. Animatu zaitezte!