Muturreko fenomeno meteorologikoak izango direnaren iragarpena

Euskal Meteorologi Agentziak, Euskalmetek, gaur eta biharko egunean muturreko fenomeno meteorologikoak izango direla-eta iragarpena eman du. Horren aurrean, arriskua izan daitekeela eta neurriak hartzeko eskatu eta abisu hori eta laranja ezarri du. Gaurtik bihar arratsaldera bitartean elurra botako, euri jasak izango eta haize bortitza joko duela iragarri du.

Gaurko iragarpenak honela dio, hitzez-hitz: “Astelehenean euria barra-barra. Euria erruz egingo du egun osoan eta puntualki baliteke zaparrada handiak eta txingorra botatzea. Goizeko lehen orduetan elurra egingo du 600-700 m-tik gora, baina elur-mailak gorantz egingo du goizean eta gauean 1000 m ingurura egongo da. Tenperatura maximoak 5 eta 10 ºC artekoak izango dira. Ipar-mendebaldeko haizea ibiliko da, eta iluntzetik aurrera zakartu egingo da”.

Biharko, euri jasak eta haize bortitza

Asteartean ere euria erruz egiten jarraituko du, eta haizea ere zakartu egingo da. Eguraldi ezatsegina: giro euritsua, hotza, eta ipar-mendebaldeko haize zakarra, batez ere kostaldean eta mendi inguruetan. Haizeak hotz sentsazioa areagotu egingo du. Elur-kota 1000-1200 m inguruan egongo da.

Bota dezakeenaren inguruko abisua, iragarpena eta gomendioek agiriak dituzue jarraian:

• Abisua
• Iragarpena
• Gomendioak euri jasak