Asanblada Emakumearen Topagunean etxe-langileekin

Emakumearen Topaguneak etxe-langileentzako informazio-asanblada hartuko du datorren astean. Asanblada datorren asteazkenean –otsailaren 6an- egingo da, arratsaldeko lau eta erdietatik aurrera, Izelaieta kalearen 12ko eraikinean dugun Topagunean bertan. Ekitaldia udal Berdintasunerako Sailak eta Bizkaiko Etxe Langileen Elkarteak antolatu dute batera.

Asanbladaren helburua bertaratuko diren etxe-langileen lan-baldintzak hobeto ezagutzea eta guztioi interesatzen zaizkigun hainbat gauza planteatu eta elkarrekin eztabaidatzea da, bertaratzen diren guztien mesederako eta, oro har, etxe-langile gisa lanean ari diren emakume guztientzat.

Hori horrela, etxeko-langile guztiei bertaratzeko eta parte hartzeko gonbitea luzatzen diegu.

Gertaera zerrenda

Argazkia	Data	Ordutegia	Lekua	Gertaera
	2013/02/06	16:30etan	Emakumeen Topalekua	Bizkaiko Etxeko Langileen Elkartearen asanblada Noiz: otsailaren 6an, asteazkena Non: Emakumeen Topalekuan Ordua: 16:30etan Gaia: etxeko langileekin asanblada egitea beraien gaur eguneko egoera jakiteko eta ezagutzeko, kolektiboki antolakuntza egiteko.
	2013/02/13	17:30	Emakumeen Topalekua	Arrasate 1936. Emakumea, guerra eta errepresioa Bideo-mahai ingurua: 1936. Arrasate. Emakumea, gerra eta errepresioa. Otsailaren 13an, asteazkena, 17:30etan Emakumeen Topalekuan